اللهم صلى على
سيدنا النبى
على النبى طه حققلى مطلبى
اللهم صلى على
الصادق الأمين
اللى قام بالرسالة لكل العالمين
اللى نصح الأمة
و اللى كشف الغمة
جزاه الله عنا خير الجزاء
رحت المدينة و
كلى شوق واقف على بابه
كان كل أملى ييجى
يوم و اكون على اعتابه
ومشيت بخطوة شوق
و خطوة ندمانه
على المعاصى والذنوب اللى ماليانى
حسيت بإيد طيبة
رحبت بيا
و كأن سيدنا النبى واقف حواليا
نزلت دموع من عينى
ريحت قلبى
يارب قدرنى و ازوره من تانى
و رجعت وانا قلبى
راضى
و عرفت من الساعة دى ان رزقى جايلى جايلى فى اوانه
مش حازعل على حاجة
ولا حد واخد حاجة م الدنيادى بحالها غير عمله و غير ايمانه
اللهم صلى على
سيدنا النبى
على النبى طه حققلى مطلبى
0 تعليقات